HIVI MORRISON ANA KIPI CHA ZIADA?

Get link
Facebook
X
Pinterest
Email
Other Apps

July 09, 2020

BAADA ya kurejea kikosini, kiungo mshambuliaji wa Yanga, Bernard Morrison ameonekana kupewa mazoezi maalum ya kufunga huku ikielezwa ni kwa ajili ya kuiua Simba.

Morrison ambaye kwa siku za karibuni alikuwa na mgogoro na mabosi wake kiasi cha kutolewa kwenye timu, juzi aliungana na wenzake mkoani Kagera ambapo jana Jumatano walicheza mechi ya Ligi Kuu Bara dhidi ya Kagera Sugar, huku yeye akianza kikosi cha kwanza na kufunga bao pekee katika ushindi wa 1-0.

Mghana huyo ambaye alipeleka kilio katika mchezo uliopita walipokutana Yanga na Simba kwa bao lake la faulo ya moja kwa moja dakika ya 44 ukiwa ni mchezo wa Ligi Kuu Bara, kocha wake, Mbelgiji, Luc Eymael tayari amemuweka kwenye mipango yake.

Katika mipango hiyo, ameonekana kumpa mazoezi maalum ya kufunga kumuandaa na mchezo wa Jumapili hii dhidi ya Simba ukiwa ni wa nusu fainali ya Kombe la Azam Sports Federation utakaopigwa Uwanja wa Taifa, Dar kuanzia saa 11:00 jioni.

Taarifa kutoka katika kambi ya Yanga iliyopigwa Kagera mapema wiki hii walipokuwa wakijiandaa kuwakabili Kagera Sugar, zinasema kujiunga kwa Morrison katika kikosi hicho imefufua matumaini mapya.

“Awali kocha Luc aliamua kumtoa Morrison katika mipango yake, lakini baada ya kuja katika mchezo huu dhidi ya Kagera, kocha ameonyesha kufurahishwa, hivyo ametumia mechi dhidi ya Kagera kumuangalia na kumuandaa ili aweze kuwa fiti kuwakabili Simba.

“Lakini kabla ya hapo, baada ya kutua tu kikosini alipokewa kwa shangwe kubwa ambapo kocha aliamua kumpatia mazoezi maalumu ya kufumania nyavu akiamini kwamba ile kazi aliyoifanya Machi 8, itajirudia,” alisema mtoa taarifa huyo.

Ofisa Habari wa Yanga, Hassan Bumbuli, alisema wanachokiangalia wao katika mchezo dhidi ya watani wao, Simba ni kuhakikisha wanafanikiwa kushinda na hawana wasi na hilo.

STORI: KHADIJA MNGWAI

MICHEZO

Get link
Facebook
X
Pinterest
Email
Other Apps

Comments

Mkataba Wa Wawa Simba Wazua Jambo

June 24, 2020

BEKI Muivory Coast, Pascal Wawa wa Simba, maisha yake kwenye klabu hiyo yapo mbioni kumalizika ambapo suala la mkataba wake mpya limezua jambo ndani ya klabu hiyo. Jambo ambalo limetokea kwenye mkataba mpya wa Wawa ni kujitokeza kwa makundi mawili ambapo moja linamtaka beki huyo abakishwe na kupewa mwaka mmoja huku lingine likitaka aachwe kutokana na umri kumtupa. Taarifa ambazo Championi Jumatatu limezipata ni kuwa, hali hiyo ndiyo ambayo imefanya hadi sasa beki huyo asipewe mkataba mpya licha ya wa awali ambao anao ukitarajiwa kumalizika baada ya ligi kufikia ukingoni.“Hivyo ndiyo hali ilivyo kwa sasa, kuna makundi mawili ambayo yote yapo juu ya mkataba wa Wawa. Kuna wengine wanataka aongezewe mwaka mmoja zaidi kwa sababu ya uwezo ambao ameuonyesha hadi sasa katika kuisaidia timu na pia kwenye mechi za kimataifa kwa msimu ujao.“Lakini kundi lingine linabisha kwamba asipewe kwa sababu ya umri kuwa mkubwa, wanataka kuona wanatafutwa mabeki wengine wachanga ambao watape...

Simba Yatuma Salamu Yanga

July 08, 2020

BAADA ya Simba jana kutoka 0-0 na Namungo katika mchezo wa Ligi Kuu Bara uliochezwa Uwanja wa Majaliwa, Ruangwa mkoani Lindi, ilikabidhiwa kombe kutokana na kuwa mabingwa wa ligi hiyo msimu huu.Baada ya kukabidhiwa kombe hilo, wakawa wanatamba wakiwaambia Yanga kwamba: “Hamtuwezi, tukikutana Jumapili tunawachapa na msimu ujao katika ligi tunakuwa tena mabingwa. ”Mchezo huo wa jana Simba ilikuwa inahitaji heshima kwa kuwa imeshamaliza kazi ya kutwaa ubingwa, huku Namungo FC ikihitaji kuongeza mbio za kubaki ndani ya tano bora. Simba iliyokuwa ikimtumia mshambuliaji wake namba moja Meddie Kagere mwenye mabao 19, alishindwa kufurukuta mbele ya mikono ya Nurdin Barola ambaye alikaa imara kwenye lango lake. Kipa wa Simba, Beno Kakolanya alianza jana ikiwa ni mchezo wake wa nane ndani ya Ligi Kuu Bara chini ya Sven Vandenbroeck alifanikiwa kuokoa hatari za Bigirimana Blaise ambaye alitolewa kwa ulazima dakika ya 40 baada ya kupata majeraha. Matokeo hayo ya jana yameifanya Simba...

winga wa AS VITA huyooo Jangwani

June 28, 2020

WINGA wa AS Vita, Tuisila Kisinda amesema kuwa asilimia kubwa ya mazungumzo aliyofanya na Yanga yameenda vizuri huku akisema kuwa kilichobaki kwa sasa ni kwa uongozi wa Yanga kumalizia baadhi ya vitu ili akamilishe usajili wake. Winga huyo mwenye umri wa miaka 20 amekuwa kwenye mazungumzo na Yanga kwa muda mrefu na kwa mujibu wa taarifa ilizozipata Championi Ijumaa zinaeleza kuwa winga huyo yupo kwenye mipango ya usajili utakaofanywa na GSM ambao ni wadhamini wa Yanga. Kisinda amesema kuwa amekuwa akizungumza na viongozi wa Yanga kwa muda mrefu na asilimia kubwa ya mazungumzo yamekamilika huku kilichobaki kwa sasa ni kwa upande wa Yanga kukamilisha baadhi ya vitu ambavyo hajaviweka hadharani ili awe mali ya Yanga. “Nimekuwa nikifanya mazungumzo na Yanga kwa muda mrefu, ni kweli wananihitaji na tumekubaliana nao baadhi ya vitu ambavyo kimsingi Yanga wanatakiwa wakivikamilisha tu nakuwa mali yao. “Mimi sitaki kuwa na haraka sana kwa kuwa kila kitu huenda kutokana na wa...

HIVI PUNDE TU